SI AGRICULTURE Secretary Proceso Alcala mi mando nga ihunong usa ang pag import sa mga domestic ug wild birds ilabi na ang mga produkto niini sama sa karne, itlog, day-old chicks ug punla naga gikan sa mga lugar sa Vinh Long and Tra Vinh, Vietnam, Veneto, Italy; Ter Aar, Zuid-Holland ug Kamperveen ug Utrecht City sa Netherlands.
Tumong nga mapanalipdan ang maayong panglawas sa publiko ug ang local poultry population sa nasud, si Agriculture Secretary Alcala mipagawas sa Memorandum Orders 103, 104, 105 ug 106.
Ang mga nahisgutang memorandum orders gipatuman ni Alcala human ma tino nga tinood ang mga balita gikan sa Office Internationale Des Epizooties nga mikaylap ang sakit nga highly pathogenic Avian Influenza virus serotype H5 sa mga lugar sa Vinh Long ug Trah Vinh, Vietnam ug ang highly pathogenic Avian Influenza virus serotype H5N8 gikan sa Veneto, Italy; Ter Aar, Zuid-Holland, ug sa Kamperveen, Utrecht City sa Netherlands.
Dili lamang mga poultry products ang gidid-an pagsulod sa nasud lakip na usab ang pag suspenso sa mga processing, evaluation of application ug ang pag hatag ug Sanitary and Phytosanitary import clearance sa mga produkto gikan sa mga nahisgutang lugar.
Si Alcala mimando usab nga hunongon ug imbargohon sa mga tinugyanan sa DA veterinary quarantine officers ug inspectors ang mga produkto nga makasulod sa nasud pinaagi sa mga pantalan.
Gipahibalo sa DA nga ang importasyon sa mga poultry meat products mag-agad kini sa lagda sa OIE Terrestrial Animal Health Code. (LPP)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News
20