MANILA – Nakatala og pinakadakung kabag-ohan ang Pilipinas sa larangan sa business regulation base sa taho sa International Finance Corporation sa World Bank.
Nisaka sa 30 ka pwesto ang Pilipinas diin gikan sa ika-138, naa na karon sa ika-108 ang Pilipinas sa mga nasud sa tibuok kalibotan.
Tungod niini, nasulod ang Pilipinas sa ‘top 10 economies improving the most in 2012-2013’.
Ang ubang nasud nga nasulod mao ang Ukraine, Rwanda, the Russian Federation, Kosovo, Djibouti, Cote d’ Ivoire, Burundi, the former Yugoslav Republic of Macedonia, ug Guatemala.
Ang report miingon nga ang Pilipinas nakahimo na ug mga maayong kaugmaran sa ilabi na sa pag kuha og mga permits sa construction industry, pagpanghatag og impormasyon ug pagpa-sayon sa mga proceso sa pagbayad sa buhis.
Magpadayon ang atong gobyerno sa pag tinguha nga mahapsay ang mga reporma ug mga polisiya nga gikinahanglan alang sa pagpalambo ug maayong pagkumpitinsya sa mga negosyante nga maoy nagdala sa kaimportante sa ilang tagsa-tagsa ka papel aron makab-ot nato kining gitawag nga inclusive and sustained economic growth, matud pa ni Presidential Communications Operations Office Sec. Sonny Coloma.
20