CEBU – Natapos na ang unom ka gatus ka milyon ka pesos nga pagladlad sa fiber optic cables nga magduso sa Bohol ngadto sa ekonomikanhong kabulahanan.
Ang proyekto nagpahiluna sa dul-an sa tulo ka gatus ka kilometrong linyang fiber optic nga nagtadlas sa kadagatan ug kamad-an nga magsumpay sa Bohol sa nasud da us aka kasaligang tubod sa digital nga kasayuran, matud sa Philippine Long Distance Telephone Company (PLDT).
Sa pagtapos sa proyekto, gilauman nga mapalig-on sa Bohol ang posisyon niini, isip laing pili-anan alang sa negosyong business process outsourcing (BPO).
Ang Bohol fiber project nagasumpay sa Loon ngadto sa Mactan sa Sugbo ug sa Garcia Hernandez ngadto sa Kinoguitan sa Misamis Oriental.
Sa nasumpay nga linya ngadto sa Mindanao, napalig-on sa PLDT ang iyang serbisyo, nag nagasumpay usab sa kapin sa kawalo-an og lima ka kilometros nga linya niini.
Kini usab, matud sa PLDT, ang ika tulo nga linya nagdto sa Mindanao, nga nia mag-subay sa Bohol gikan sa Sugbo.
Matud ni PLDT President ug CEO Napoleon Nazareno, ang bag-ong fiber link magduso sa turismo sa Bohol ug magpahimutang sa lalawigan sa usa ka posisyon nga makaaghat pa sa mas daghang mamumuhunan sa BPO.
Gawas pa, dugang sa Bol-anong si Nazareno, ang mga taga Bohol makasinati na karon sa napaugmad nga serbisyong internet sa ilang mga balay, eskwelahan ug buhatan, tungod sa 50G nga kapasidad.
Ang 50G nga kapasidad makasuporta sa nagkadaku nga panginahanglan sa mas lapad nga bandwidth sa mga linyang telepono ug wireless nga serbisyo sa mga customers. (MBCN)
20