DIPOLOG CITY – Ang Philippine National Police (PNP) naglusad ug bag-ong unit para maghimo ug operasyon batok sa mga pasaway nga police personnel.
Ang Integrity Monitoring and Enforcement Group (IMEG) maoy ni puli sa Counter-Intelligence Task Force (CITF) nga duha na ka tuig nga nagserbisyo batok sa mga pasaway nga pulis.
Ang IMEG mao kini ang manguha ug impormasyon batok sa mga mga pulis nga naghimo ug dili maayo ug sila sab ang mahimo ug opensiba batok sa mga pulis nga nalambigit sa mga illegal nga binuhatan. Si Col. Romeo Caramat Jr, ang bag-ong director sa kanhi CITF ug karon IMEG mao una ang temporaryong officer-in-charge.
Kini nga grupo gilangkuban sa 306 ka mga uniformed personnel, 55 ka mga 55 police commissioned officers ug 251 police non-commissioned officers. Ang 72 ka buok nga myembro sa PNP Special Action Force ang mohatag ug tactical support sa bag-ong na establisar nga unit.
Ang CITF naumol kini human si Pangulong Rodrigo Duterte mimando sa kapulisan, ilawom sa pagpanguna ni former PNP chief Ronald Dela Rosa, nga mag buhat ug special group nga mo lantaw ngadto sa mga pasaway nga pulis ilabi na kadtong nalambigit sa droga, human daghang mga pulis ang nalambigit sa kidnapping ug usa na niini ang pagkamatay sa negosyanteng Korean nga si Jee Ick-Joo.
Kung kahibaloan usa sa taas nga opisyal sa PNP dinhi sa probinsya sa Zamboanga del Norte ang napatay sa operasyon sa CITF niadtong Nobyembre 5, 2018 tungod matod pa, misukol kini sa taga CITF human gi operasyonan tungod sa gikaingong pagkalambigit sa guinadiling droga.
Ang napatay nga opisyal mao si Col. Santiago Rapiz, head sa Logistic branch sa Zamboanga del Norte Police Provincial Office, didto sa Camp Hamac, Sicayab.
Niadtong Pebrero 1, usa ka myembro sa Highway Patrol Group nga nakabase didto sa Dapitan City ang nahulog sa kamot sa taga CITF human giulan ug reklamo tungod matod pa sa extortion. Sikop sa taga CITF si Juvie Dalogdog, ang gi aresto sa CITF ug gipasakaan ug kasong robbery-extortion ug paglapas sa gun ban sa Commission on Elections.(RMN Mark Bacroya)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read And Share Our News: https://www.mindanaoexaminer.com
Mirror Site: https://mindanaoexaminernewspaper.blogspot.com
Digital Archives: https://issuu.com/mindanaoexaminernewspaper
Media Rates: https://mindanaoexaminer.com/ad-rates
20
