CEBU – Gitanyag karon sa Department of Trade and Industry (DTI) sa mga negosyante ang online early renewal sa business name registration isip parte sa gihimong lakang sa ahensya aron mas mapadali ang pagproseso sa pagnegosyo sa nasud.
Matud pa ni DTI Undersecretary Nora Terrado nga pinaagi sa maong inisyatibo, dili lamang kini dakung tabang tungod kay dili na mogahin og pila ka oras apan gamay na lang usab ang gasto tungod kay dili na kinahanglan og daghan pang papel nga magamit.
Sa mga interesadong mosuway sa bag-ong sistema, mahimong mo-log in lamang sa Business Name Registration System’s website nga bnrs.dti.gov.ph.
Apan giingong kinahanglang i-proseso ang renewal sa ilang business name registration tulo ka buwan sa dili pa ang expiration niini. Sa daan nga manual scheme, ang renewal sa business name information himuon pinaagi sa DTI tellers nga adunay kinatibuk-ang bayad nga P65.
Kini alang sa renewal fee nga P50 samtang ang P15 alang sa documentary stamp tax matag transaksiyon. Apan sa gitanyag nga online early renewal scheme, pinaagi sa electronic payment facility gamit ang BancNet debit card o GCash, ang renewal transactions mahimo nang i-proseso sa computers o mobile phones pinaagi sa internet sulod lamang sa 15 minuto bisan unsang oras ug bisan asang dapit. (ECB)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News
20