Rumble sa Tacurong City dahil lang sa babae

TACURONG CITY – Nauwi sa saksakan ang pagtatalo ng dalawa sa mga sangkot dahil sa pagiging “textmate” ng isa ang umano ay “siyota” nito at humantong sa kamatayan ng isa habang tatlong iba pa ang sugatan at isa pa ang nasa maselang kalagayan sa insidente naitala dakong alas 3:00 ng madaling araw nitong Huwebes sa bisinidad ng palengke dito.

Nagtalo umano sina Marlon Apolonio, 20; at Ryan Lumidas, 18, makaraang gawing “textmate” umano ng huli ang di-pinangalanang “syota” ni Marlon haang ang mga ito ay nasa isang bahay aliwan dito.

Makaraang lumabas ang mga ito ay bigla umanong nagpang-abot ang grupo ng dalawang sangkot sa di kalayuang bahagi ng tindahan ng mga prutas kung saan naganap nga ang saksakan ng parehong grupo at sinasabing patay makaraang maisugod sa isang pagamutan si Jimmy Abpet y Donde, 21; habang sugatan naman sa bahagi ng kaliwang balikat ang estudyanteng si Bonie Wahab at sinasabing nasa maselang kalagayan naman si Abdul Mante , 25; dahil sa tinamong malalaim na saksak sa iba’t ibang bahagi ng katawan.

Kapwa sugatan din sina Apolonio na may tama sa kaliwang bahagi ng kili-kili nito at si Lumidas na pawang nasa pagamutan din habang nabatid sa PNP-Tacurong na ihinahanda na ang kaukulang kaso laban sa mga ito kung saan ayon pa kay SP04 Gerry Gabarlan, pinuno ng mga imbestigador sa nasabing himpilan ay karagdagang pagsisiyasat ang kanilang isinasagawa pa sa nasabing insidente habang inaalam din ang posibleng pagkaka-kilanlan ng babaeng naging ugat ng pagtatalo ng grupo. (Rose Muneza)

Like Us on Facebook: https://www.facebook.com/mindanaoexaminer