TUGUEGARAO CITY (Mindanao Examiner / Jan. 10, 2013) – Hanggang ngayon ay hindi parin naibabalik ang isa sa mga kambal na bagong panganak na paslit matapos itong dukutin sa loob mismo ng Cagayan Valley Medical Center (CVMC) dito.
Ayon sa magulang nitong si Jenifer Delelis, residete ng Brangay San Agustin sa bayan ng Abulug sa Cagayan province ay tinangay ang isa sa kanyang kambal na sanggol na babae habang nasa incubator.
Agad naman na dumulog si Jenifer at ang asawa nito sa Department of Social Welfare and Development at National Bureau of Investigation para sa agarang pagka-recover ng sanggol.
Hindi naman agad mabatid mula sa pamunuan ng pagamutan kung papaanong nadukot ang bata sa loob mismo ng ospital, ngunit nakuhanan naman ng CCTV ang pagtangay sa sanggol ng isang hindi pa nakikilalang babae na tinatayang nasa edad 23, katamtaman ang pangangatawan at tangkad.
Nanawagan naman ang mag-asawang Delelis sa sinuman na nakakaalam kung nasaan ang sanggol ay ipagbigay alam agad ito sa pulisya. (Francis Soriano)
20