Wow naman! Pati cover ng isang pekeng libro ay ginamit na rin ang ALDUB para makabenta lang ng librong tinatawag.
‘Yun kasing unang libro sa English nitong manggagamit ay ‘di bumenta kaya gumawa naman ng Tagalog para raw sa mga fans na minemenos ang katalinuhan!
Itong baklang negosyante ay tinatawag na “EME”, o letter “M” which stands for several meanings.
Kung si MARILYN MONROE ay dalawang “M” lang, itong baklang ito ay sangkatutak na ‘EME’ ang nakakabit sa pangalan niya na uso ngayon sa kantang Pamasko.
Ano na ang mga “EME” na ginagamit sa baklang ito in reference to him? Manggagamit, Manunulot, Mamumulot, Malas na Manager, Mayabang, Mapagpanggap na Matalino, etc.
Nasaan ba ang baklang ito nung hindi pa sikat si Alden Richards?
Tumulong man lang ba siya sa pagbanggit man lang sa pangalang Alden Richards nung nagsisimula pa lang ang mabait na dimples sa showbiz?
Bakit ngayon biglang entra siya tulad ng best fried niyang malas na direktor?
Bakit ngayon all of a sudden ginamit niya sa “negosyo” niya ang pinakasikat na loveteam ng henerasyong ito?
Doon sa libro niyang English, ang pinakamahaba ang satsat ay ang BFF niyang malas na direktor kaya hindi bumenta ang libro-librohan.
Binanggit pa ng bakla na ang biggest at pinakasikat sa mga artistahin na mina-manage niya ay si Ryan Agoncillo.
Aba, kahit patambis ay ‘di man lang ako nabanggit, ‘AKO! AKO! NA SIYANG NAGPASIKAT kay bansot’ bago niya pinulot at sinulot sa tunay na may hawak noon kay bansot!
Kundi dahil sa akin at ipinareha kay Juday ang Ryan na ‘yan eh hindi sana siya sisikat at magiging asawa ng alaga ko! Alam ‘yan ng buong bansa at ng buong mundo, noh?
Wala man lang bang credit where credit is due, Ha Tonya Ferrer?
Ano na Onyok?
“Aysus, what else is new in showbiz?” Galing! Matalinong batang “Probinsyano”
Sumikat? Tigilan ako, no!
‘Yun bang kahit sa anong paraan makagamit lang, sige. Bakit naman nasabit ang pangalan ng isang Julie Anne San Jose kay Alden Richards na diumano eh syota ni Pambansang Dimples?
Hayun, na-bash tuloy ng AlDub Nation! Sumikat? Tigilan ako, noh!
Kanya-kanyang gimik lang naman ‘yan, eh. Look at Cai Cortez kundi pa niya ibinulgar ang mga lalaking nakatsurbahan niya at dinescribe ang sizes ng mga sari-saring birdie sa Manila Zoo ay hindi malalaman na anak pala siya ni Rez Cortez!
Magamit kaya niya ang mga ibon na ‘yun para sumikat siya nang husto?(Alfie Lorenzo )
Link: http://www.abante.com.ph/ent/showbiz-column/star-nga-siguro/39453/star-nga-ba-aldub-ginamit-sa-mga-pekeng-libro.html
20
