“Nalipay kaayo ko ug wala ko kasabot sa gibati hantod karon ug dako kaayo akoang pasalamat sa Ginoo.”
Usa ka 38 anyos nga service crew sa usa ka sikat nga food chain sa Pilipinas ug molupyo sa Laligan, Valencia City ang swerte nga nakadaug og 200mil ka pesos sa Scratchit.
Ang babaye naila nga si Mae P, kinsa nanimpalad ra unta sa pagpalit sa Scratchit card sa usa ka lotto ticket outlet nga nahimutang sa may Emporium, Valencia City.
Ang maong babaye Buenas nga nakabulsa sa iyang daog nga 200mil ka pesos niadtong hunyo 26, 2025.
Ang babaye namulong sa pag ingon “Wala nako damha ug gihuna-huna sa tibuok nako nga kinabuhi, Akoa lang jud intensyon katong adlawa na ni hapit lang ko ug Lotto Ticket Outlet para mopalit ug Scratchit cards, namasin lang na basig karon diay ko maswertihan sa sige nko hapit dining dapita para mopatad. Dili jud diay nato mahibaluan kanus-a ang oras sa atoang swerte sa kinabuhi. Nalipay kaayo ko ug wala ko kasabot sa gibati hantod karon ug dako kaayo akoang pasalamat sa Ginoo.”
Ang maong babaye niawhag sa katawhan nga dili lang mawagtangan sa paglaum ug padayon lang sa kakugi sa pagpanarbaho ug panginabuhi kay aduna ra gayuy grasya gikan sa labaw nga makagagahum.
Ang Scratchit card, dali ra kaayo dulaon pinaagi sa pag-kuskos sa imuhang kuko or sesinlyo hulaton lang nimo na maka-himo ka ug parehong tulo(3) numero sa usa ka card.
20
