BOHOL – Himoon sa ahensya sa kagamhanan nga nagtanyag sa sertipikasyon sa katakus sa usa ka tawo sa technical, vocational education ang libre nga pagtimbang ug paghimog sertipikasyon kon may igo na bang katakus ug kahibalo ang usa ka tawo subay sa nasudnong batakan sa kaalam.
Ang sertipiksyon sa sa Technical Education and Skills Development Authority (TESDA) gikinahanglan kon may laraw ang usa ka tawo nga manimpalad sa gawas sa nasud nga gipamuhunan ang technical-vocational skills, matud ni Jaminel Damolo, information Officer sa TESDA.
Ang nasudnong sertipikasyon buksan alang sa pag-ila sa kapasidad sa mga nabansay sa napulo ug usa ka sector nga sakop sa technical-vocational education.
Mahimo nga mopailawom sa certification and mga gradwado sa mga kurso sa technical-vocational courses, mga tigtudlo sa TESDA, mga trabahante na ug mga Overseas Filipino Workers nga nagkinahanglan sa sertipikasyon alang sa pagpanarbaho o promosyon, matud ni Damolo.
Gipahayag ni Francisca Opog, hepe sa TESDA Bohol, nga ang schedule sa assessments mahitabo sa Hulyo 14-18, Agosto 11-15 ug Octubre 13-17.
Ipailawom sa libre nga assessment un national certification mao ang katakus sa agriculture, automotive, construction, refrigeration, air conditioning, garments, tourism, health social and community development, information and communication technology, processed food and beverage, electronics ug metals and engineering sectors, segun sa TESDA.
Sang sertipikasyon mahinabo usab sa lima ka mga testing centers sa Bohol didto sa Bilra, Inabanga, PIlar, Jagna ug Tubigon. Alang sa dugang kasayuran, tawag o bisitahe ang TESDA. (MBCN, RAHC)
20