DAVAO ORIENTAL (Mindanao Examiner / August 7, 2012) – Dakung kalipay ang gibati sa katawhang lumad sa Barangay Calapagan, Lupon, dinhi nga lalawigan sa dihang gihatod na ngadto sa ilang barangay ang mga materyales nga gamiton pagtukod sa ilang tribal hall.
Ang mga lumad daku usab ang pasalamat ngadto kang Congresswoman Thelma Almario gumikan sa iyang pag gahin og pondo nga P600 ka libo aron gamiton pagtukod sa Tribal Hall.
Si Barangay Kagawad Bebing Mangob nga adviser sa Tribal Council nagbutyag nga ang mao nga gambalay itukod kini haduol sa Barangay Hall.
Gidugang ni Kagawad Mangob nga ang mao nga gambalay magsilbi usab nga tigumanan alang sa makanunayon nga pagbinayloay sa mga hunahuna sa mga lumad aron makaplano alang sa maayong kaugmaon, ug ang makanunayon nga panagkita makapahugot usab kini sa relasyon ug sa pagpreserba sa talagsaon ug dalayegon nga kultura sa katawhang lumad. (Cesar Lanos)
20