DIPOLOG CITY (Mindanao Examiner / Mar. 27, 2013) – Malipayong napahigayon sa Zamboanga del Norte Press Club (ZNPC) ang ika- 48TH Annual Induction ug Oath-Taking Ceremonies didto sa Top Plaza Hotel ning dakbayan.
Ang nasangpit nga kalihokan ang gitambongan sa mga miyembro ug opisyales sa ZNPC sa pagpangulo ni Rosemarie Miranda, diin lakip usab nga misalmot sa maong kalihokan ang mga pamilya sa mga miyembro sa ZNPC, ug uban pang mga bisita sama nila Bureau of Jail Management and Penelogy Gen. Diogracias Tapayan, retired ambassador McArthur Carsino, Presiding Judge MCTC-Piñan Pio Velasco, mga opisyales sa Kapisanan ng mga Broadkaster ng Pilipinas gikan pa sa kaulohan Manila, KBP Chairman Jet Opilac (dxAA Manager) ug ang pinasidunggan dinapit ug mamumulong mao si Education Superintendent City Schools Division ning dakbayan mao si Dr. Victorina Perez.
Nasayran nga ang mga napiling bag-ong opisyales sa ZNPC alang na sa tuig 2013 nga nanumpa atubangan sa mga nanambong ug ni Inducting Officer Pio Velasco mao sila President, Rosemarie Miranda; Vice-President, Eduardo Dela Cerna; Secretary, Vicente Carreon; Treasurer, Crispin Garcia; Auditor, Roberto Pinsoy. Ang mga Board of Directors – Atty. Peter Co, Rhey Davie Magdayao, Atty. James Cyril Ruiz, Maynard Baes, Samuel Amatong, Edwin Bation, Franklin Gumapon, Elmer Razo, Czarito Zamora, ug Ruben Enoy
Dugang nasayran nga mipabati sa iyang pagpasalamat si Miranda sa mga miyembro ug sa mga opisyales sa pagpili usab pagbalik kaniya sa ikaupat nga higayon isip Presidente sa nasangpit nga kahugpungan sa Prensa pinaagi sa ilang gihatag nga suporta aron mamahimong pang magmalambuon ang ZNPC. Lakip usab nga gipasalamatan niini ang mga sponsors sama sa TVI Resource Development (Phils.) Inc., U.S. Embassy, Department of Agriculture, National Grid Corp. of the Philippines, Zamboanga del Norte Electric Cooperative, Vice Mayor Senen Angeles ug sa kagamhanang lokal ilawom sa pagdumala ni Mayor Evelyn Uy ug mga namunuan sa Department of Education sa gigahin nilang tabang ug suporta atol sa pagpahigayon sa ZNPC sa Campus Journalism Workshop miaging tuig dinhi sa lalawigan.
20