ZAMBOANGA CITY – Patay ang isang lalaki at sugatan naman ang isa matapos silang pagbabarilin ng di-kilalang salarin sa loob ng Internet café sa Zamboanga City.
Ayon sa pulisya, pinagbabaril ng suspek si Eddie Francisco sa Barangay Canelar dakong alas 5 ng umaga kamakalawa. Isa pang customer na si Kenny Espinosa ang nahagip ng bala sa kanyang paa, ngunit nakaligtas naman ito sa tiyak na kamatayan.
Mabilis naman tumakas ang salarin kung kaya’t naisugod sa pagamutan si Eddie ngunit patay na ito ng dumating doon. Sinabi ni Kenny na bigla na lamang dumating ang salarin at saka pinuntirya si Eddie at ilang beses umano itong pinaputukan ng baril.
Hindi pa mabatid ang motibo sa pamamaril at sa imbestigasyon ng pulisya ay posibleng may kinalaman sa away ang krimen.
Talamak ang patayan sa Zamboang City dahil sa naglipanang mga hired killers na siyang nasa likod ng mga pamamaril, subali’t kung tatanungin ang pulisya sa mga insidente ng pamamaslang ay pulos “isolated cases” o “personal grudge” ang tanging katwiran nito.(Mindanao Examiner)
20