CEBU – Mag-abli ang 100,000 ka trabaho sa aviation industry sugod karong tuig. Bunga kini sa pag-arangkada sa paghiusa sa Association of Southeast Asian Nations (ASEAN) diin apil ang Pilipinas.
Target sa maong lakang nga mapalambo ang ekonomiya sa tibuok rehiyon pinaagi sa pagpaluag sa mga patakaran tali sa 10 ka nasud nga sakop sa ASEAN.
Tungod niini, maapil sa mga trabahong nag-unang kinahanglan ang mga piloto ug aircraft technicians.
“S’yempre, ‘pag maraming flights e ‘di maraming kailangang crew” (Kun daghang flights, kinahanglan gayud og daghang crew), pasabot pa ni Civil Aviation Authority of the Philippines Dir. Gen. Rodante Joya.
Sa talaan sa World Travel and Tourism Council, padayon pa gihapong nisaka ang gidaghanon sa mga turista sa ASEAN Region. Gani, halos gi-triple na kini sa 90.2 milyong turista niadtong 2013 kun itandi sa 38 milyon niadtong 2000 mao nga nisaka apil ang gidaghanon sa mga mi-biyahe sakay sa eroplano.
Sa pagbanabana sa AirAsia Zest, manginahanglan ang ASEAN og halos 50,000 ka piloto ug 50,300 ka technicians sa aviation industry taman tuig 2032. Gidali na karon ang bidding alang sa nagkalain-laing airport projects sa Department of Transportation and Communications.
Pipila na niini ang nakumpleto na sama sa Ninoy Aquino International Airport Terminal 1 rehabilitation. (Elvira C. Bongosia)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News
20
