Skip to content
The Mindanao Examiner Regional Newspaper

The Mindanao Examiner Regional Newspaper

Title

Name

Primary Menu
  • Home
  • Mindanao
  • Visayas
  • National
  • Features
  • Opinion
  • Business
  • International
  • SciTech
  • Health & Wellness
  • Sports
  • About Us
    • Regional Advertising Rates
    • Contact Us
    • Profile
  • Home
  • Opinion
  • ‘Halok’ Ni Jun Ledesma
  • Featured
  • Mindanao Post
  • Opinion

‘Halok’ Ni Jun Ledesma

Chief Editor June 8, 2018

Sulat gikan sa Davao: ‘Halok’ Ni Jun Ledesma

Una, way kahayag gikan sa bulan ug mga huni sa gugma sa dihang gipatik og kalit ni Pres. Rodrigo Duterte ang daklit nga halok sa usa ka babaye nga nagbarog sa entablado atubangan sa duha ka libo ka magdadayeg nga mga trabhanteng Filipino sa South Korea, kabahin sa saysenta ka libo ka tawo nga nagtapok sa Seoul aron sugaton ang ilang idolo. Di gani to halok, kundili usa lang ka tuhik apan gustong ipalabas sa mga kritiko ni Duterte nga usa ka French kiss. Pastilan.

Feeling namansahan ang sobra ka sensitibo nga si Renato Reyes sa maong aksyon ug gihimo ang kinomedya nga tuhik nga isyu nasyonal. Di nako masabtan ngano nga gihimo nila ang maong aksyon nga bulgar samtang gibale-wala ang bilyones nga puhunan nga gikomiter na sa mga partnership sa mga Korean ug Filipino nga magpapatigayon nga gipermahan sa sulod sa tulo ka adlaw nga pagbisita sa Presidente. Nasayud ko sa pipila ka business deal nga ginatrabaho karon apan di lang pwede nga ipahibalo ang detalye tungod sa kasabutan nga wala impormasyon ang kada hingtungdan nga buhian. Kining tanan ug idugang sab ang mga gipermahan ni Kalihim sa Panalapi Sonny Dominguez nga loan package nga $180-million para sa Cebu container port.

Tugoti ko nga mokutlo sa mga pulong sa usa ka banggiitang abogada nga taga Davao, si Atty. Emelina Quintillan.

“Dili ko tigpamaba, tigpangatarongan o tigdepensa ni Duterte, apan ang mga tawo nga ningboto para sa iyaha kahibalo nga di siya angay nga husgahan ginamit ang sukdanan sa moralidad sa oligarkiya. Sa akong tan-aw, kana ang rason sa iyang kadaugan. Adunay panagbangi sa interes sa dato ug pobre sa Pilipinas mao na nga ang mga tirada ni Duterte kontra sa mga dato o sa oligarkiya gidayeg sa mayoriya ug mas pobre nga masa. Tama o mali, ningdaog siya isip pinili nga Presidente.

Ang nasud dili moasenso kun ang mga kahimanan sa iyang oposisyon magpadayon sa pagdiskaril sa iyang mga katuyoan para sa nasud ug ang katawhan dili magkahiusa sa pagdawat sa demokratikong mando sa mayoriya. Wa koy pakialam kun kinsa ang Presidente, apan human sa bugno sa politika para sa pagka Presidente ug ang mayoriya ningdesisyon na pinaagi sa ilang mga boto, kinahanglan adunay kalinaw ug kahilom aron kadtong napili makaatiman sa ilang trabaho. Aduna pay umaabot nga mga oportunidad aron sa pagpakigbugno ug pakig-inilogay sa renda sa pangagamhanan.

Mao na ang proseso sa demokrasya nga gibale-wala sa oposisyon. Sultii ko kun duna bay Presidente sa kasaysayan sa Pilipinas nga way kahuyang ug way kasaypanan. Di ko motuo nga kaya ni Duterte sulod sa tulo ka bulan nga himoon ang iyang gipanaad sa kampanya. Di na mahimo sa usa ka katilingban nga gubot pas lukot, diin ang oposisyon maayo kaayong pagkapanukad. Dali ra man gud siyang mobungat sa unsay naa sa iyang hunahuna nga wa kaayo matimbangtimbang ang sangputanan. Nagtuo ko nga ang mga Dutertards wa sab magtuo niini, apan siya lang ang ningsakbang sa mga politikong tradisyonal ug sistemang politikal bisan pa og “magpakamatay siya sa nasud nga Pilipinhon”.

Gipili siya tungod sa paglaum sa kausaban nga mao ang sentro sa iyang kampanya. Apan kinsa ang nagaguba nianing maong paglaum? Angay nga mabinantayon ang oposisyon, apan ang pagkamabinantayon di nagpasabot nga pagbabag o pagguba. Ang pagbabag maoy makaguba sa nasud. Sa sulti pa sa usa ka monghe: “OK lang kun wa jud kay ikatabang, apan kun wa kay ikatabang, ayaw og panakit o pangguba.” Ang anomalya sa Pilipinas mao nga ang pinakadaghan sa mga mantalaan ug mga network sa TV gipanag-iya sa mga kalaban ni Duterte. Sa ato pa, dali ra nga isabwag ang mga katahap, alegasyon ug bakak. Ang problema ni Duterte, nga lagmit mao sab ang nakapabor kaniya, kay wa siyay lipudlipod ug lantad kaayo bisan sa iyang mga “dirty linens”. Tuyo niya nga i-shock ang mga moralista ug ethical kuno sa nasud. Sumala pa sa akong napaminaw, “Bagay siya sa Philippine politics kay baga siya og nawong.”

Ang kasagaran nga sumbanan sa moralidad nga atong nahibaw-an dili moaplay sa iyaha. Maayo kini o dili, depende sa kang kinsa nga perspektibo ang gigamit sa nagahusgar. Ang malisya sa “conflict of interest” kuno ni Calida anaa sa tayming sa paglabas sa isyu. Bag-o lang siya nga ningdaog sa kaso sa Quo Warranto sa Korte Suprema nga maoy gibanderang bugno sa oposisyon. Kun kining nagasabwag niining COI pabor gyud sa maayong panggobyerno, ngano man nga kining isyuha karon lang ninggawas ug asa ni gikan? Dapat mopasaka sila og kaso ug dili lang mopakaylap og tsismis. Sa tsismis hasler ang Filipino, di ba? Kun gusto nimong gub-on ang kalaban, pagsabwag og dautang tsismis.”

Mao na ang reaksyon ni Attorney Quintillan gikan sa abroad. Siya, kauban ang ubang OFWs, hugot nga nagsubay ug nagbantay sa katikaran dinhi sa atong nasud ug up-to-date kaayo sa mga balita dinhi sa ato. Kahibalo sab sila nga ang halok simbolo lang sa pagmahal sa usa ka amahan ngadto sa iyang mga anak ug katagilungsod.

Sa sunod Mr. President, i-flying kiss sab sa nanan-aw. (Jun Ledesma)

See media rates: http://mindanaoexaminer.com/ad-rates/
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/
http://mindanaoexaminernewspaper.blogspot.com/
Share Our News
Digital Archives: http://issuu.com/mindanaoexaminernewspaper
fb-share-icon
Tweet 20

Continue Reading

Previous: Anthony Bourdain, CNN host and celebrity chef, dead at 61 – Fox News
Next: 70 SAF men biktima ng P40-M rice investment scam?

Related News

NMin-Literacy
  • Mindanao Post

Northern Mindanao’s basic literacy rate hits 90.8% in 2024, above national average

Editor June 2, 2025
dav-tourism
  • Mindanao Post

Davao Region’s economy shows resilience, eyes brighter 2025

Editor June 2, 2025
Cultural-tribute
  • Mindanao Post

BARMM lauds 8 Bangsamoro cultural masters in PUSAKA 2025

Editor May 30, 2025

Trending News

South Korea’s largest telecom operator suffers mass exodus of customers over data leak Hacker by Tima 1
  • International

South Korea’s largest telecom operator suffers mass exodus of customers over data leak

June 2, 2025
Northern Mindanao’s basic literacy rate hits 90.8% in 2024, above national average NMin-Literacy 2
  • Mindanao Post

Northern Mindanao’s basic literacy rate hits 90.8% in 2024, above national average

June 2, 2025
Davao Region’s economy shows resilience, eyes brighter 2025 dav-tourism 3
  • Mindanao Post

Davao Region’s economy shows resilience, eyes brighter 2025

June 2, 2025
ING Hubs Philippines’ Winning Formula for Talent Retention ING-Hubs-Philippines 4
  • Business

ING Hubs Philippines’ Winning Formula for Talent Retention

June 2, 2025
Manulife Philippines Wins Outstanding Digital Customer Experience (CX) Award Digital-CX-Award-(Manulife) 5
  • Business

Manulife Philippines Wins Outstanding Digital Customer Experience (CX) Award

June 2, 2025
  • Facebook
  • X
  • YouTube
  • Blog
Copyright © 2025. The Mindanao Examiner Regional Newspaper. All Rights Reserved. | MoreNews by AF themes.