ZAMBOANGA CITY – Hawak ngayon ng Malaysia ang ilang mga Pinoy na hinihinalang miyembro ng Abu Sayyaf at supporters ng ISIS matapos silang madakip kasama ang iba pang mga dayuhan sa Johor at Sabah.
Ayon sa Malaysian media ay walong Pinoy ang nadakip, gayun rin ang tatlong Malaysians, kabilang ang isang babae, sa ibat-ibang lugar mula Enero 25 hanggang Pebrero 4.
Hindi naman inilabas ng Malaysia ang mga pangalan ng lahat ng suspek, subali’t sinasabing sila ang nasa likod ng planong pagpupuslit ng mga foreign militants mula Sabah patungong Zamboanga City. Patuloy naman ang imbestigasyon ng Malaysia sa mga nahuling militants.
Bahagi ng counter terrorism operation ng Malaysia ang pagkakalansag ng grupo ng Abu Sayyaf at ISIS sa Sabah na kung saan ay may recruitment doon ang naturang mga ito upang lumaban sa Mindanao at maghasik ng gulo sa Sabah.
Sinabi ni Inspector-General Mohamad Fuzi Harun ng Malaysian Police na isa sa mga Pinoy ay sumusunod sa utos mula sa isang ISIS leader na nasa Pilipinas. “One of the suspects – a 39-year-old Filipino – was receiving orders from a senior ISIS leader in southern Philippines to arrange safe passage for militants from Sandakan to Zamboanga, where they would join the IS faction there,” ani ng opisyal.
Walang pahayag ang Western Mindanao Command sa pagkakadakip ng mga Pinoy militants sa Sabah. (Mindanao Examiner)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: https://www.mindanaoexaminer.com and https://mindanaoexaminernewspaper.blogspot.com/
Share Our News
Digital Archives: issuu.com/mindanaoexaminernewspaper
Follow Us on Twitter: https://twitter.com/MindanaoExamine
Read Our News on: https://www.mindanaoexaminer.com and https://mindanaoexaminernewspaper.blogspot.com/
Share Our News
Digital Archives: issuu.com/mindanaoexaminernewspaper
20
