CEBU – Gilibkas na sa Department of Labor and Employment (DOLE) ang deployment ban sa mga Overseas Filipino Workers sa Venezuela, West Bank ug Israel.
Matud pa ni DOLE Sec. Rosalinda Baldoz, ang Philippine Overseas Employment Administration (POEA) Governing Board nga ubos usab sa iyang pagdumala ang nagpagawas sa buwag nga resolusyon kalabot niini.
Dugang pa sa Kalihim nga base sa nasabotan na sa POEA Governing Board, maong gilibkas nila ang deployment ban sa maong mga lugar tungod kay gipa-ubos na sa Department of Foreign Affairs ang crisis alert levels sa maong mga lugar ngadto sa Level 1 o precautionary phase tungod na usab sa nagka-maayong sitwasyon sa seguridad apil na usab sa Gaza Strip nga gikan sa Level 4 o force evacuation, naa na kini sa Level 2 o restriction phase.
Miingon si Baldoz nga ang gobyerno wala na nag-proseso og mga bag-ong OFWs sa mga nahisgotang lugar apan ang mga OFWs nga nakabalik na sa nasud nga gustong mobalik na usab didto ang ilang hatagan og prayoridad.
20