CEBU – Sila si Presidente Benigno Aquino ug Japanese Prime Minister Shinzo Abe nagtagbo didto sa residensiya sa Primo Ministro ning dapita aron sa paghisgut sa nagkadaiyang mga isyu tumong sa padayong pagpalambo sa bilateral relations tali sa Pilipinas ug Japan.
Si Prime Minister Abe nagkanayon nga daku niyang kalipay nagkita na sab sila si Presidente Aquino sa ika-upat nga higayon human sa ilang katapusang miting pagka Disyembre, 2013, dihang ang Pangulo misalmot sa Association of Southeast Asian Nations (ASEAN)-Japan Summit, nga didto sab gihimo sa Japan.
Gitumbok sa Pangulo sa Hapon nga ang Pilipinas ug Japan pulos nagka-ambit sa mga universal values dugang pa sa good strategic partnership.
Sa iyang bahin, si Presidente Aquino nagpasalamt sa iyang host ug sa Japanese government, niya pa naglantaw siya sa unahan kalabot sa subling pagpalagsik sa strategic partnership tali sa duha ka nasud.
“It is a pleasure to be back in Tokyo, Japan. Of course, we are witnesses to the revitalization of the Japanese economic impact to the Philippines. I think we are expecting to revitalize your economy as evidenced by the number of transport trucks that we were seeing in the road,” miingon ang Presidente.
Diha sa summit meeting, ang duha ka mga lideres gilauman magbayloay sa ilang mga panglantaw sa bag-ong kalambuan nahitabo sa rehiyon, ingon man magtuki sa mga punto sa pagtinabangay nga makapasamot pa pagpalawom sa strategic partnership sa Pilipinas ug Japan.
Lakip sa mga tema nga gidahum ilang tukion mao ang humanitarian assistance ug disaster response, maritime cooperation, promotion of trade and investments, people-to-people exchanges, ug ang Mindanao peace process. (MMP)
20