CEBU – Giaghat sa Philippine Atmospheric, Geophysical and Astronomical Services Administration (PAGASA) ang publiko sa pag-download og mga mobile application nga may kalabotan sa weather forecasting.
Matud pa ni PAGASA weather forecaster Aldczar Aurelio, makatabang og daku sa pagpangandam matag bagyo kun adunay Project NOAH ug ARKO application sa cellphone.
Pinaagi sa Project NOAH, makakuha og weather updates gikan sa PAGASA, mahibaw-an ang lokasyon sa bagyo ug uban pang impormasyon.
Ang ARKO usab ang maghatag og ispesipikong lugar nga posibleng bahaon o gibaha na.
Dugang pa ni Aurelio nga bisan ang radyo ug TV pa gihapon ang pinakadali o accessible nga makuhaan og impormasyon sa panahon, kun naa sa gawas ug walay radyo o TV, mahimong makakuha og updates pinaagi sa mga nahisgotang mobile app aron malikayan ang katalagman. (ECB)
20