BIGtheme.net http://bigtheme.net/ecommerce/opencart OpenCart Templates
72-anyos na retired titser, utas sa stray bullet
September 26, 2018
Kidnapped Sulu teacher freed
September 26, 2018
Show all

Hustisya, sigaw ng pamilya ng pinaslang na si Angelica Fernandez Luzuriaga

KIDAPAWAN CITY – Humihingi ng hustisya ang pamilya ni Angelica Fernandez Luzuriaga na walang awang pinatay sa loob ng kanyang bahay sa Kidapawan City habang patuloy ang imbestigasyon ng pulisya upang agad na madakip ang kriminal.

Natagpuang ang duguang bangkay ng 21-anyos na tadtad ng taga sa kanilang bahay sa Purok 7 sa Barangay Lanao. Nagiisa ito sa naturang bahay ng maganap ang karumal-dumal na kirmen, ayon sa pulisya.

Batay sa ulat, alas-7:40 ng gabi ng Setyembre 22 Sabado ng makatanggap ng ulat ang pulisya ukol sa krimen at agad itong tinungo ng mag alagad ng batas. At doon tumambad ang kaawa-awang bangkay ng babae na naliligo sa sariling dugo.

Nagtamo ang biktima ng maraming sugat sa kanyang katawan, partikular sa leeg, balikat at kamay.

Sa inisyal na pagsisiyasat, nabatid na ilang araw na umanong natutulog ang biktima sa kanilang bahay na mag-isa dahil ang kanyang pamilya ay nasa Davao City.

Ayon kay SPO1 Mepeboset Himalaya, ang imbestigador sa kaso, sinira ng kriminal ang kahoy na window grill sa likurang bahagi ng  bahay na siyang ginamit nito upang makapasok.

Sinabi naman ni Supt. Ramel Hojilla, ang hepe ng pulisya, na patuloy ang pangangalap nila ng mga ebidensya sa krimen at mapanagot ang responsable sa kalunos-lunos na sinapit ng biktima.

Una na ring nag-alok ng P100,000 reward ang Kidapawan City government sa makapagturo sa pagkakakilanlan ng kriminal. (Rhoderick Beñez)

 

Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read And Share Our News: https://www.mindanaoexaminer.com/
http://mindanaoexaminernewspaper.blogspot.com/
Digital Archives: https://issuu.com/mindanaoexaminernewspaper
See Media Rates: https://mindanaoexaminer.com/ad-rates/

 

 

7,237 total views, 4 views today

EIC
EIC
https://www.facebook.com/mindanaoexaminer