PAGADIAN CITY – Patuloy pa rin ang imbestigasyon ng pulisya sa panggagahasa at pagpatay sa isang 14-anyos na dalagita sa bayan ng Sindangan sa Zamboanga del Norte. Nagluluksa pa rin ang pamilya ng batang paslit na walang awang pinatay matapos na lapastanganin sa loob mismo ng kanyang silid nitong linggo lamang.
Sinabi ng pulisya na natagpuan patay ang bata at nakalilis ang short pants sa kanyang tuhod. Nadiskubre ang bangkay ng 9-anyos na kapatid nito.
Nagulat umano ang bata ng hindi na sumasagot o gumagalaw ang kanyang ate kung kaya’t agad na tinawag ang amang si Angelito at ng ito ay tignan ay laking gulat na lamang nito ng makita ang bangkay ng anak at wala ng saplot sa ibaba.
Agad rin tumawag sa pulisya ang pamilya upang ipaalam ang karumal-dumal na krimen. Nakita rin ang marka sa leeg ng biktima at hinihinalang pinatay ito sa sakal matapos na gahasain. Hindi pa mabatid kung sino ang nasa likod ng krimen. (Mindanao Examiner)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com /http://mindanaoexaminernewspaper.blogspot.com/
Share Our News
Digital Archives: issuu.com/mindanaoexaminernewspaper
20
